لما كل الوزرا دول براءه..أمال مين اللى أكل الجبنة يا كلاب ؟



محمد الجوهري




تصميم تخيلي علي الفيس بوك
"لما كل الوزرا دول براءه..أمال مين اللى أكل الجبنة يا كلاب ؟" كان هذا من أول التعليقات التي ظهرت على صفحات "فيسبوك" من أحد المستخدمات ورد عليها آخر "مش كنتي بتقولي كفاية مظاهرات ..عرفتى بقى اننا بينضحك علينا..وبما إن السادة الوزراء العظام طلعو مش هما إللي سرقوا والسادة الظباط مش هما اللي قتلوا فمن الواضح أن الشعب المصري هو من سرق أمواله، وهو من قتل نفسه... وعلية فقد أمرنا بحبس الشعب.. ومن الاخر كدة كل واحد يطلع الكام مليون اللي سرقهم بالذوق أحسن إنتو عارفين إحنا ممكن نعمل إيه في الشعب"




كلمات ساخرة عبر من خلالها مستخدمو "فيسبوك" عن استيائهم من قرار براءة الفقي وغالي وفضلي والمغربي وحبس رشيد 5 سنوات وإخلاء سبيل أسامة الشيخ، من خلال حساباتهم الشخصية، والصفحات المختلفة على الموقع.

قال محمد خير الله:"دول أخدو براءة وكمان العادلي هياخد براءة.. و الخبطة الجامدة إن مبارك هياخد براءة..وكمان هيرفع قضية على الإعلام ...وعلى الشعب.. وبعد كدة يتقدم للترشح للرئاسة"

وبسخرية علق هاني بدر: "إخلاء سبيل المتهمين بقتل المتظاهرين بالسويس.. وبراءة للمغربي والفقي وغالي.. يبقى كده مبارك فعلا مفجر ثورة يناير..ويستاهل قلادة النيل ونجمة سيناء ووسام التحرير.. وسلامين وحتة".

وبخفة ظل كتب على زكريا: "بعد قراءة الصحف، وخبر البراءه.....أعلن عن إفتتاح مهرجان البراءة للجميع".

فيما قالت ياسمين أسامه: "في البداية يتلكعون في القبض عليهم و يطلعوا عيونك ..ثم يظرفونك 15 يوم على ذمة التحقيق .. ثم يسهونك ..ثم يأخذون براءة الصبح".

كما كتب سامي طلعت: "تونس تحكم على رئيسها الهارب.. ومصر لم تحكم إلا على أمين شرطة.......يقال أنه هارب واللي برء غالي والفقي و فضلي والمغربي !!! يطلع مبارك مجني عليه ويحكم على كل مواطن بألف جنيه بدل دوشه".

وقال مسئول صفحة شهداء 25 يناير: "الثوره اتسرقت وبيخرجوا براءه !!!

وقال محمد عمران : "مش كنتى بتقولى كفاية مظاهرات ..عرفتى بقى اننا بيضحك علينا"، ورد عماد الدين سلام قائلا: "حكمة المحكمة حضوريا على الشعب التونسى والمصرى بلحبس الموبد مدى الحياة كلا حسب محل اقامتة أي على كل شخص الالتزام بمدينة التى يوجد بها.. وعدم الخروج منها مدى الحياة... ونقول لهم حكامكم فى انضار كم حتى تعودو الى رشدكم وهم الان يقضون الاجازة الصيفية وسيعودون ليحكموكم فى الخريف القادم... ورئيس مصر القادم هو حسني".

وعلق سيد فكري: "خبر مضحك .. معقول توصل النزاهة إلى لهذا الحد، عموما حتى لو كان وزير الاعلام نزيه..أنا نفسي ينزل في التحرير وهو يعرف إنه برئ ولا مش برئ"، "ودي أول انجازات وأهداف الثوره ببراة الحراميه اللى سرقوا البلد، وأكيد طبعا الدور على حسني".



وأضافت جنا رشدان: "وجين على نفسهم كدا ليه الحرامي الغلبان يتقدم للمحاكمات العسكريه وياخد بـالـ10 سنوات، والحرامية الكبار بيدلعوهم..القصاص عند من لا يغفل ولا ينام".

وقال مسئول صفحة خالد سعيد: "هما ياخدوا براءة..وقتله الشهداء ياخدوا تأجيل..ومنهم ياخدوا اخلاء سبيل..والثوار زى لؤى نجاتى وعمر البحيرى يتحاكموا عسكريا..لن نترك حق الشهداء والمصابين..لن نتهاون مع من قتلوا شهدائنا واصابوا اخواننا..للثوره شعب يحميها".

وردت مي عباس: "ثقتنا اتهزت فى القضاء لما خد قرار اخلاء سبيل الظباط المتهمني اللى رجعوا لوظايفهم عادى جدا وفيه منهم اللى اترقى فيه كدة يا ناااااااس؟؟؟؟؟ المجلس العسكرى إما متباطئ وإما متواطئ والاتنين ما ينفعوش لأن ثقتنا فيه كبيرة لكنه بيطبب وعمال يأجل الثورة.. و شوية هنلاقي جيمى ولولو طالعيلن هما كمان ومبار ك كمان والعادلى ويرفعوا قضية على الشعب بتهمة البلاغ الكاذب".