عالميه عادل امام





السلام عليكم ورحمه الله وبركاته

اولا برحب بكل عشاق الزعيم عادل امام
وبقولهم عايزين نشوف مشاركتكم ونشوف اهتمام بالمنتدى اكتر من كده
لحسن المنتدى نايم خالص

نيجى بقى لموضوعنا
وهو عالميه عادل امام
طبعا اكيد الكل مستغرب من عنوان الموضوع
بس مش عايزكم تستغربوا

بجد لازم كل الناس .. سواء اللى بيحبوا عادل امام او اللى مش بيحبوه
بجد الدنيا كلها لازم تشوف فيلم حسن ومرقص
لان ده فيلم عالمى وفيلم اكثر من رائع

انا عايزك تركز اوى فى الفيلم
وتشوف عبقريه عمر الشريف وادائه وتمثيله الرائع
طبعا عمر الشريف عالمى وده شىء اكيد
بعد ماتشوف عمر الشريف ... شوف عادل امام
وشوف عبقريته فى الكوميديا والاداء الحركه والتمثيل وتعبيرات وشه
والله العظيم عادل امام مايقلش عنه اى حاجه ... يمكن احسن منه كمان
انا بتكلم عن التمثيل ... مش ع الشكل والوسامه
عادل امام لو يمتلك اتقان اللغه الانجليزيه ... والله العظيم يبقى احسن من عمر الشريف مليون مره
بجد عادل امام عبقرى فى تمثيله وادائه وحركاته وطريقه كلامه وتعبيرات وشه
بجد شىء مش معقول ... وخصوصا المشهد الاخير فى فيلم حسن ومرقص
شوف عبقريه عادل امام فى المشهد ده وعبقريه عمر الشريف
بجد مشهد اوسكاااااااااااااار وفيه رساله مهمه اوى
ان المسلم لازم يحط ايده فى ايد المسيحى ونواجه كل الصعاب
لان اعداء الوطن كتيررررررررر ... وبيتمنوا تحصل فتنه طائفيه

بجد فيلم حسن ومرقص فيلم عالمى
قصه وسيناريو وحوار ... فى منتهى الجمال والابداع والاتقان
الدراما محبوكه جدااااااااااا وكوميديا الموقف .. عاليه اوى
ورامى امام مخرج اكتر من رائع وبجد هو مخرج المستقبل
لانه له رؤيه خاصه وموهوب جداااااااا .. طبعا ابن الوز عوام
وطبعا يوسف معاطى مؤلف موهوب جداااااااا وعبقرى وبجد حسن ومرقص احسن افلامه على الاطلاق

ياريت تشوفوا الفيلم تانى وتحسوا بكل مشهد فيه

لانه فيلم يستحق المشاهده فعلا .... فيلم يعد مثال للفن الراقى الهادف
والاداء الرائع لكلا من العالمى عادل امام وعمر الشريف

بجد عادل امام عالمى
ونفسى عادل امام يطلع فى فيلم عالمى مع عمر الشريف
ولو مشهد واحد او حتى ضيف شرف
نفسى عادل امام يشارك ولو بمشهد واحد فى اى فيلم اجنبى
لانه فعلا عالمي بفنه وعبقريته وادائه وتمثيله الاكثر من رائع

عادل امام ... اسطوره الكوميديا ونجم مصر والوطن العربى الاول
ربنا يبارك فيه ويخليه لينا ويطول فى عمره ويمتعنا كمان وكمان

ونحن جميعا فى انتظار ... رائعته الجديده
فرقه ناجى عطالله

مستنيينك يازعيم