ممكن تركز معايا شوية...؟؟؟!!!

[maestro]

ممكن تركز معايا شوية...؟؟؟!!!

انا مش هاخد من وقتك كتير

ممكن تعمل messenger offline ولو بتلعب اى game سيبها بس لمدة 5 دقايق

إحنا هنلعب مع بعض لعبة مختلفة

لعبة يمكن تعرفك شوية حاجات عن نفسك

لو لسه بتقرا لدلوقتى يبقى انا هفترض ان انت فعلا مركز معايا وفى الحالة دى هقولك اللعبة دى عبارة عن ايه


بكل بساطة انا هسالك شوية اسئلة وبعد كل سؤال فكر كويس فى الاجابة وبعدين كمل وفى الآخر هتفهم الحكاية كلها

يلا بينا



دلوقتى انت فى غابة اوصف الغابة دى واحساسك وانت فيها يعنى قلقان مطمن فرحان
يلا خد وقتك وفكر


وانت ماشى فى الغابة لقيت فنجان اوصف الفنجان ده و وانت ماشى هتاخده معاك وإلا لأ
خلاص قررت


بعد كده وانت مكمل رحلتك لقيت أسد جاى ناحيتك هتتعامل معاه إزاى


بعد ما اتعاملت مع الأسد بالطريقة اللى أنت قررتها وانت مكمل مشى فى الغابة لقيت بحيرة اوصف البحيرة دى وفكر كده هتنزلها هتقعد عليها هتتجاهلها تماما شوف انت هتتعامل معاها ازاى


ها فاكر إجاباتك كويس افتكرها كويس لان احنا دلوقتى هنروح للمرحلة التانية والاخيرة




انت دلوقتى فى صحراء زى ما وصفت الغابة واحساسك وانت فيها اوصف الصحراء واحساسك وانت فيها


بعد كده وانت ماشى فى الصحراء لقيت صندوق شكل الصندوق ده ايه ولما تفتحه هتلاقى فيه ايه


خلصنا الصندوق وانت ماشى فى الصحراء بعد كده لقيت سلم شكله ايه السلم ده طويل قصير ولو وقفت عليه هيشيلك وانت ماشى هتاخده معاك


خلى بالك مهم اوى انك تبقى فاكر اجاباتك


يلا نكمل



وانت مكمل مشى فى الصحراء لقيت حصان اوصف الحصان ده اوصفه كويس وبالتفاصيل وبعدين فكر كده الحصان ده هيآمن لك وانت هتتعامل معاه ازاى وهتاخده معاك وإلا لأ



آخر حاجة بقى




وانت ماشى فى الصحراء دى لقيت سور السور ده طويل و عريض انت مش شايف آخره لا طول ولا عرض هتتعامل مع السور ده ازاى قدامك احتمالات كتير تقعد تحته تستنى الفرج تمشى جنبه لغاية ما تجيب آخره تحاول تفتح فيه فتحة شوف ويلا فكر







خلاص كده خلصنا

يلا بقى نعرف بسرعة دلالة كل سؤال من دول




الغابة والصحراء هما حياتك اللى انت عايشهم فاكر انت وصفتها ازاى وكان احساسك فيهم ايه

ندخل بقى على بقية الحاجات اللى كانت فى الغابة فى الاول :


الفنجان هما الناس اللى انت بتقابلهم فى حياتك ورايك فيهم ايه؟؟

الاسد هى المشاكل وطرية تعاملك معاها

البحيرة هى الحياة العاطفية انت وصفتها وقولت اذا كنت هتنزلها والا لأ




فاضل الصحراء :


الصندوق هو انت من جوه فاكر انت لقيت جواه ايه

السلم هو الاصدقاء عشان كده سألتك هو هيشيلك والا لأ واذا كان طويل والا قصير

الحصان هو شريك الحياة انت وصفت وقولت هتتعامل معاه ازاى

السور هو القدر بكرة المستقبل طريقة تعاملك مع السور ده هى نفس الطريقة اللى بتحاول تعرف بيها بكرة عامل ازاى



بس كده احنا خلصنا


ممكن دلوقتى تعمل messenger online

[PRINCESS.SMILEY]

كل ده ...............
بس بردوا ميرسي